Archive for the ‘blog balcony’ Category

ಪುಟಾಣಿ ಪಾರ್ಟಿ ಮತ್ತು ನಾನು

-ಜಯಲಕ್ಷ್ಮಿ ಪಾಟೀಲ್

‘Children’s film society’ ನಿರ್ಮಾಣದ ‘ಪುಟಾಣಿ ಪಾರ್ಟಿ’ ನಾನುಅಭಿನಯಿಸಿದ ಎರಡನೆಯ ಕಲಾತ್ಮಕ ಮತ್ತು ಮೊದಲ ಮಕ್ಕಳ ಚಲನಚಿತ್ರ. ಈಚಿತ್ರದ ನಿರ್ದೇಶಕರು ರಾಮಚಂದ್ರ ಪಿ ಎನ್. ತುಂಬಾ ಸಹನಶೀಲ ಮತ್ತುಸಮರ್ಥ ನಿರ್ದೇಶಕರು. ಈ ಚಿತ್ರದಲ್ಲಿ ಅಭಿನಯಿಸಿದ ಬಹುತೇಕ ಜನರುಯಾವತ್ತೂ ಕ್ಯಾಮರಾದ ಮುಂದೆ ನಿಂತು ಅಭಿನಯಿಸಿದವರಲ್ಲ, ಅಂಥವರಿಂದನಾನೀಗ ನಿಮಗೆ ಹೇಳಿರುವುದು ಸುಳ್ಳು ಎನ್ನುವಷ್ಟು ಸಹಜಾಭಿನಯವನ್ನುಹೊರಹೊಮ್ಮಿಸಿದ ವ್ಯಕ್ತಿ ಅವರು.

ಮಕ್ಕಳಂತೂ ಎಷ್ಟು ಲೀಲಾಜಾಲವಾಗಿ ಮತ್ತುತನ್ಮಯತೆಯಿಂದ ಅಭಿನಯಿಸಿದ್ದಾರೆಂದರೆ ಆಹಾ ಅದ್ಭುತ! ಆ ಎಲ್ಲ ಮಕ್ಕಳು ೫ನೆತರಗತಿಯಿಂದ ೧೦ನೆ ತರಗತಿಯಲ್ಲಿ ಓದುತ್ತಿರುವವರು. ಮೊದಲು ಅವರಿಗೆ ಚಿತ್ರಕತೆಯನ್ನು ಮತ್ತು ಅವರವರ ಪಾತ್ರಗಳನ್ನು ವಿವರಿಸಿ,ಮೂರು ದಿನ ಸತತವಾಗಿಮಕ್ಕಳಿಗೆ ಹೇಗೆ ಅಭಿನಯಿಸಬೇಕು ಮತ್ತು ಯಾಕೆ ಹಾಗೆ ಅಭಿನಯಿಸಬೇಕುಅನ್ನುವುದನ್ನು ಹೇಳಿಕೊಟ್ಟು ಮಕ್ಕಳಲ್ಲಿ ಆತ್ಮವಿಶ್ವಾಸವನ್ನು ತುಂಬಿ ಅವರನ್ನುಎಷ್ಟು ಚೆನ್ನಾಗಿ ರಾಮ್ ಸರ್ ತಯಾರು ಮಾಡಿದ್ದರೆಂದರೆ ಕ್ಯಾಮೆರಾದಪರಿಚಯವಿದ್ದ ನಾನು ಮತ್ತು ಭವಾನಿ ಕೆಲವೊಮ್ಮೆ ಗೊಂದಲಗೊಳ್ಳುತ್ತಿದ್ದೆವಾದರೂಈ ಮಕ್ಕಳು ಮಾತ್ರ ಅಂಗಳದಲ್ಲಿ ಲಗೋರಿ ಆಡಿದಷ್ಟೇ ಸಹಜವಾಗಿಅಭಿನಯಿಸಿಬಿಡುತ್ತಿದ್ದರು!!

ರಂಜಿತಾ ಜಾಧವ್, ಶರತ್,ಗುರುದತ್ತ,ಪವನ,ದೀಪಕ್,ಮಮತಾ,ಮನೋಜ್ ಮುಂತಾದ ಮಕ್ಕಳನ್ನು ಮೊದಲ ಸಲ ನೋಡಿದಾಗಅವರುಗಳ ಖದರು ಕಂಡು “ಇದೇನಪ್ಪಾ ಈ ಮಕ್ಕಳ ಜೊತೆ ನಾನು ೮-೧೦ ದಿನಕಳೆಯಬಲ್ಲೇನಾ?!” ಅನಿಸಿತ್ತು. ಆದರೆ ದಿನ ಕಳೆದಂತೆಲ್ಲ ಈ ಮಕ್ಕಳು ಎಷ್ಟುಹತ್ತಿರದವರಾದರೆಂದರೆ ಇತ್ತೀಚೆಗೆ ನಾನು ಡಬ್ಬಿಂಗ್ಗಿಗೆ ಅಂತ ಧಾರವಾಡಕ್ಕೆಹೋದಾಗ ಎಲ್ಲರೂ ಸಂಜೆ ಬಂದು ನನ್ನೊಡನೆ ಎರಡು ಗಂಟೆಗಳ ಕಾಲ ಹರಟೆಹೊಡೆಯುತ್ತಾ ಕುಳಿತರು.ನಾನೇ “ಹೊತ್ತಾಗುತ್ತೆ ಹೋಗ್ರೋ ಇನ್ನ ಮನೆಗೆ” ಅಂತಬಲವಂತ ಮಾಡಿ ಕಳಿಸಬೇಕಾಯಿತು(ಆಗ ಅವರಿಗೆಲ್ಲ ಪರೀಕ್ಷೆಯ ಸಮಯಬೇರೆ!!)

ರಂಜಿತಾ ಧಾರವಾಡದ ಒಂದು ಅಪ್ಪಟ ಪ್ರತಿಭೆ. ಈ ಹುಡುಗಿಗೆ ಎಂಥಾಆತ್ಮವಿಶ್ವಾಸ ಮತ್ತು ಅಭಿನಯದ ತುಡಿತವೆಂದರೆ ಇಡೀ ಯುನಿಟ್ಟೆ ( ಚಿತ್ರ ತಂಡ )ಬೆರಗಾಗುತ್ತಿತ್ತು ಈಕೆ ಅಭಿನಯಿಸುವಾಗ. ರಂಜಿತಾ ಈ ಚಿತ್ರದಲ್ಲಿ ನನ್ನ ಮಗಳಪಾತ್ರ(ಗೀತಾ) ನಿರ್ವಹಿಸಿದ್ದಾಳೆ. ಒಂದು ಶಾಟ್.. ರಂಜಿತಾ ಸಭಿಕರೆದುರು ನಿಂತುಊರಲ್ಲಿಯ ಅನಾನುಕೂಲತೆಗಳಿಂದಾಗಿ ಮಕ್ಕಳಿಗಾಗುತ್ತಿರುವ ತೊಂದರೆಗಳನ್ನುವಿವರಿಸುತ್ತಿರುತ್ತಾಳೆ. ಮೈಲುದ್ದದ ಸಂಭಾಷಣೆ ಅದು.ಸರಾಗವಾಗಿ,ಭಾವಪೂರ್ಣತೆಯಿಂದ ಎಂಥಾ ಅದ್ಭುತವಾಗಿ ಅಭಿನಯಿಸುತ್ತಿದ್ದಾಳೆಎಂದು ನಾವೆಲ್ಲ ಬಿಟ್ಟ ಕಣ್ಣಿಂದ ನೋಡುತ್ತಿರುವಾಗಲೇ ” ಕಟ್” ಅನ್ನುವ ರಾಮ್ಸರ್ ಅವರ ಸಿಟ್ಟಿನ ಧ್ವನಿ ಕೇಳಿ ಬೆಚ್ಚಿಬಿದ್ದೆವು! ಅಲ್ಲಿವರೆಗೂ ರಾಮ್ ಸರ್ಸಿಟ್ಟಲ್ಲಿದ್ದುದನ್ನ ನಾನು ಕಂಡೆ ಇರಲಿಲ್ಲ.. ಅವರ ಆ ಕೋಪಕ್ಕೆ ಕಾರಣ ಅಷ್ಟುಅದ್ಭುತವಾಗಿ ಅಭಿನಯಿಸುತ್ತಿದ್ದ ರಂಜಿತಾಳ ಬಗಲಲ್ಲಿ ಇರಬೇಕಾದ ಚೀಲವೊಂದುಸಹಾಯಕ ನಿರ್ದೇಶಕರ ಮರೆವಿನಿಂದಾಗಿ ಮಿಸ್ ಆದುದು. ಮತ್ತೆ ಆ ಮಗುಅಷ್ಟುದ್ದದ ಡೈಲಾಗ್ ಅನ್ನು ಅಷ್ಟೆ ತನ್ಮಯತೆಯಿಂದ ಹೇಳಬಲ್ಲುದಾ? ಅನ್ನುವಆತಂಕ ಆ ಸಿಟ್ಟಿಗೆ ಕಾರಣ . ಆದರೆ ರಂಜಿತಾ ಮೊದಲಿನಷ್ಟೇ ತನ್ಮಯತೆಯಿಂದಮತ್ತೆ ಅಭಿನಯಿಸಿದಳು!

ಏಳನೇ ಕ್ಲಾಸ್ನಲ್ಲಿ ಓದುತ್ತಿರುವ ಶರತ್ ಒಳ್ಳೆ ನುರಿತ ನಟನೇನೋ ಎನ್ನುವಷ್ಟುಆತ್ಮವಿಶ್ವಾಸದಿಂದ ಅಭಿನಯಿಸಿದ ಹುಡುಗ. ಗುರುದತ್ತ, ಪವನ, ದೀಪಕ್,ಮನೋಜ್ ಮತ್ತು ಮಮತಾ ಕೂಡಾ ಅಷ್ಟೆ , ಒಳ್ಳೆಯ ನಟರು, ವಿನಯವನ್ನುಮೈಗೂಡಿಸಿಕೊಂಡ ಮಕ್ಕಳು.

ಈ ಚಲನಚಿತ್ರ ಕನ್ನಡದ್ದಾದರೂ ನಟವರ್ಗ ಮತ್ತು ನಿರ್ದೇಶಕರನ್ನುಹೊರತುಪಡಿಸಿ ಚಿತ್ರ ತಂಡದ ಉಳಿದೆಲ್ಲರೂ ಭಾರತದ ವಿವಿಧ ರಾಜ್ಯಗಳಿಂದಬಂದವರು ಎನ್ನುವುದು ವಿಶೇಷತೆ. ೧೮ ದಿನಗಳ ಕಾಲ ಧಾರವಾಡದಲ್ಲಿ ಮಿನಿಭಾರತ ನೆಲೆಯೂರಿತ್ತು!! 🙂

13 ಝಮೇಟಿ

800px-tzameti_scene-11

ಅಲೆಮಾರಿಯವರ ಒಳಗೂ… ಹೊರಗೂ…. ಬ್ಲಾಗಿನಿಂದ  

ಚಿತ್ರ: 13 ಝಮೇಟಿ(13 Tzameti)

ಭಾಷೆ: ಫ್ರೆಂಚ್

ನಿರ್ದೇಶಕ: ಗೆಲಾ ಬಬ್ಲೂನಿ

ಅವಧಿ: 86 ನಿಮಿಷ

ಥ್ರಿಲ್ಲರ್ಗಳು ಅಂದ್ರೆ ಹಿಚ್ಕಾಕ್ ನೆನಪಾಗುತ್ತಾನೆ. ಆದರೆ ಇವತ್ತಿನ ಥ್ರಿಲ್ಲರಗಳೇ ಬೇರೆ. ಸಿನಿಮಾದಲ್ಲಿ ದೃಶ್ಯಕ್ಕಿಂತ ಹೆಚ್ಚಾಗಿ ಸಂಗೀತ, ಗ್ರಾಫಿಕ್ಗಳು ಬೆಚ್ಚಿ ಬೀಳಿಸುವ ಪ್ರಯತ್ನ ಮಾಡುತ್ತೇವೆ. ಥಿಯೇಟರ್ನಲ್ಲಿ ಆದ ರೋಮಾಂಚನ ಹೊರಗೆ ಬರುವ ಹೊತ್ತಿಗೆ ಕರಿಗ ಹೋಗಿರುತ್ತದೆ. ನಮ್ಮ ರಾಮ್ಗೋಪಾಲ ವರ್ಮ ನಿರ್ದೇಶನದ ಇತ್ತೀಚಿನ ಚಿತ್ರ `ಫೂಂಕ್’ ಇದಕ್ಕೆ ಉತ್ತಮ ಉದಾಹರಣೆ. ಅದರಲ್ಲಿ ಏನಿತ್ತು? ಕಿರುಚಾಟ, ಅಪ್ಪಳಿಸುವ ಸಂಗೀತವೇ ನಿಮ್ಮ ಎದೆ ಬಡಿತ ಜಾಸ್ತಿ ಮಾಡಿತ್ತು. ನಿಮಗೆ ನಿಜಕ್ಕೂ ಆತಂಕ ಉಂಟು ಮಾಡುವ, ಏನಾಗಬಹುದೆಂಬ ಭಯಮಿಶ್ರಿತ ಕುತೂಹಲ ಹುಟ್ಟಿಸುವ ಚಿತ್ರವಾಗಿರಲೇ ಇಲ್ಲ.ಹೀಗೆ ಪ್ರತಿ ಸಾರಿ ಥ್ರಿಲ್ಲರ್ ಚಿತ್ರಗಳನ್ನು ನೋಡಿದಾಗ ನೆನಪಾಗುವ ಒಂದು ಚಿತ್ರವಿದೆ; `13 ಝಮೇಟಿ’. ಅಂದರೆ `13 ಸ್ಪರ್ಧಿಗಳು’ ಅಂತಾ. ಜಾರ್ಜಿಯಾದಿಂದ ಫ್ರಾನ್ಸಿಗೆ ಭವಿಷ್ಯ ಅರಸಿ ಬಂದ ಯುವಕನೊಬ್ಬ ಲಕ್ಷಗಟ್ಟಲೆ ದುಡ್ಡು ಗೆದ್ದು, ಬದುಕು ಕಳೆದುಕೊಳ್ಳುವ ಕಥೆ ಇದು. ಮೂರು ವರ್ಷಗಳ ಹಿಂದೆ ಬಂದ ಚಿತ್ರವಾದರೂ ಇದು ಕಪ್ಪು ಬಿಳುಪಿನ ಚಿತ್ರ. ನಿರ್ದೇಶಕ ಗೆಲಾ ಬಬ್ಲೂವಾನಿ ಕಥಾ ವಸ್ತುವಿಗೆ ಸೂಕ್ತವಾಗುತ್ತದೆ ಎಂಬ ಕಾರಣಕ್ಕೋ ಏನೋ ಇದನ್ನು ಕಪ್ಪು ಬಿಳುಪಿನಲ್ಲಿ ಚಿತ್ರಿಸಿದ್ದಾರೆ.

ಸೆಬಾಸ್ಟಿಯನ್ ಈ ಚಿತ್ರದ ನಾಯಕ. ಫ್ರಾನ್ಸ್ಗೆ ಬಂದ ಈತ ಅಲ್ಲಿ ಇಲ್ಲಿ ಮನೆ ಕಟ್ಟುವ, ರಿಪೇರಿ ಮಾಡುವ ಕೆಲಸಗಳಲ್ಲಿ ತೊಡಗಿರುತ್ತಾನೆ. ಮಾದಕ ವ್ಯಸನಿ ಗೊಡನ್ ಮನೆಯ ರಿಪೇರಿ ಮಾಡುವಾಗ ಅತಿಯಾದ ಮಾದಕ ಸೇವನೆಯಿಂದ ಗೊಡನ್ ಸತ್ತು ಹೋಗುತ್ತಾನೆ. ಇಲ್ಲಿಂದ ನಾಯಕ ಓಡುತ್ತಾ ಹೋಗುತ್ತಾನೆ, ಹಿಂದೆ ನಾವೂ ಕುತೂಹಲದ ಜತೆ ಓಡಲಾರಂಭಿಸುತ್ತೇವೆ.ಸತ್ತ ವ್ಯಕ್ತಿಯ ಪತ್ನಿ ವ್ಯಕ್ತಿಯೊಬ್ಬನ ಜತೆಗೆ `ರಹಸ್ಯ ಕೆಲಸ’ದ ಬಗ್ಗೆ ಮಾತನಾಡುತ್ತಾರೆ. ಇದನ್ನು ಕದ್ದಾಲಿಸಿದ ಸೆಬಾಸ್ಟಿಯನ್ ಈ ಬಗ್ಗೆ ವಿವರವಿರುವ ಪತ್ರವನ್ನು ಕದಿಯುತ್ತಾನೆ.ಈ ಪತ್ರ ಸಾವಿನ ಬಾಯಿಗೆ ಕರೆದೊಯ್ಯುತ್ತದೆ!ಸೆಬಾಸ್ಟಿಯನ್ ಪತ್ರದಲ್ಲಿರುವ ಸೂಚನೆಗಳನ್ನು ಅನುಸರಿಸುತ್ತಾ ಹೋಗುತ್ತಾನೆ. ಈ ಹೊತ್ತಿಗೆ ಸೆಬಾಸ್ಟಿಯನ್ ಹಿಂದೆ ಪೊಲೀಸರು ಬೀಳುತ್ತಾರೆ. ಪತ್ರದ ಸೂಚನೆಗಳು ಸೆಬಾಸ್ಟಿಯನ್ಅನ್ನು ಗುರಿ ತಲುಪಿಸುತ್ತವೆ ಪೊಲೀಸರನ್ನು ದಾರಿ ತಪ್ಪಿಸುತ್ತವೆ. ಹಾಗಾದರೆ ಸೆಬಾಸ್ಟಿಯನ್ ಬಂದಿದ್ದು ಎಲ್ಲಿಗೆ?ಭೂಗತ ದೊರೆಗಳ ಅಡ್ಡಾಕ್ಕೆ! ಗೌಪ್ಯ ಜಾಗದಲ್ಲಿ ಸೇರಿದ್ದ ಭೂಗತ ದೊರೆಗಳು, ಗ್ಯಾಂಗ್ ಸ್ಟಾರ್ಗಳು ಒಬ್ಬೊಬ್ಬ ವ್ಯಕ್ತಿಯನ್ನು ಕರೆತರುತ್ತಾರೆ. ಅವರ ಹಾಗೇ ಸ್ಪರ್ಧಿಯಾಗಿ ಬರಬೇಕಿದ್ದ ಗೊಡನ್ ಜಾಗದಲ್ಲಿ ಸೆಬಾಸ್ಟಿಯನ್ ಬಂದು ನಿಲ್ಲುತ್ತಾನೆ.ಏನಾಗುತ್ತದೆ ಎಂದು ಗೊತ್ತಾಗುವ ಹೊತ್ತಿಗೆ 13 ಮಂದಿ ಸ್ಪರ್ಧಿಗಳಲ್ಲಿ ಒಬ್ಬನಾಗಿ ನಿಲ್ಲುತ್ತಾನೆ. ಮುಂದೆ?

ಸುಮಾರು 86 ನಿಮಿಷದ ಚಿತ್ರದಲ್ಲಿ ಅರ್ಧ ತಾಸಿಗೂ ಹೆಚ್ಚು ಈ ಕಾಲ ನಡೆಯುವ ಮುಂದಿನ ದೃಶ್ಯಗಳನ್ನು ನಿಮ್ಮನ್ನು ಕುತೂಹಲವನ್ನು ಗೂಳಿಕಾಳಗದಲ್ಲಿ ಗೂಳಿಯನ್ನು ಕೆಣಕಿದ ಹಾಗೆ ಕೆಣಕುತ್ತವೆ ಎಂದರೆ ತಪ್ಪಿಲ್ಲ.ಸೆಬಾಸ್ಟಿಯನ್ ಸ್ಪರ್ಧಿಸಲು ಸಿದ್ಧವಾಗುವುದು ಸಾವನ್ನು ಗೆಲ್ಲುವುದಕ್ಕೆ! ಪಿಸ್ತೂಲು ಹಿಡಿದು ಕೊಟ್ಟ ಗುಂಡನ್ನು ಅದಕ್ಕೆ ತೂರಿಸಿ, ಸೂಚನೆ ಕೊಟ್ಟ ತಕ್ಷಣ ತನ್ನ ಎದುರಿನವನನ್ನು ಶೂಟ್ ಮಾಡಬೇಕು.ಅದೃಷ್ಟವಿದ್ದವರು ಬದುಕುತ್ತಾರೆ. ಒಂದರ ಜತೆಗೆ ಮತ್ತೊಂದು ಗುಂಡು ಬೋನಸ್ ಸಿಗುತ್ತದೆ; ಎದುರುಗಿರುವವನ್ನು ಕೊಲ್ಲುವುದಕ್ಕೆ!!ನಿರೀಕ್ಷಿಸಿದಂತೆ ನಾಯಕ ಸೆಬಾಸ್ಟಿಯನ್ ಸಾಯುವುದಿಲ್ಲ. ನಾಯಕನಾದ್ದರಿಂದ ಈತನ ಮೇಲೆ ಪಣ್ಣಕ್ಕಿಟ್ಟ 8.50 ಲಕ್ಷ ಯುರೊಗಳನ್ನು ಗೆಲ್ಲುತ್ತಾನೆ!!ಆದರೆ ಸಾವನ್ನು ಗೆಲ್ಲುವುದಕ್ಕೆ ಆಗುವುದೇ ಇಲ್ಲ ಎನ್ನುವುದೇ ವಿಪರ್ಯಾಸದ ಸಂಗತಿ!!

ಸೆಬಾಸ್ಟಿಯನ್ ಸಾವಿನ ವರ್ತಲದಿಂದ ಹೊರಬರುವುದಿಲ್ಲ.ಗೆದ್ದ ಹಣವನ್ನು ಮನೆಗೆ ಕಳುಹಿಸಿ, ಅನಿರೀಕ್ಷಿತವಾಗಿ ಬಂದೆರಗಿದ ಸಾವಿಗೆ ತಲೆಬಾಗುತ್ತಾನೆ. ಹೇಗೆ ಎನ್ನುವುದನ್ನು ನೀವೇ ನೋಡರ್ಬೇಕು.ಗೆಲಾ ಬಬ್ಲೂನಿ ತಾವೇ ಬರೆದ ಚಿತ್ರಕಥೆಯನ್ನು ಎಲ್ಲೂ ನಿರಾಸೆ ಹುಟ್ಟಿಸದೆ, ಆಸಕ್ತಿ ಕಡಮೆಯಾಗದಂತೆ ಪ್ರೇಕ್ಷಕರನ್ನು ಸೆಳೆಯುತ್ತಾ ಕಥೆ ಬಿಚ್ಚಿಡುತ್ತಾ, ಬೆಚ್ಚಿ ಬೀಳಿಸುತ್ತಾ ಹೋಗುತ್ತಾರೆ. ಅಚ್ಚರಿ ಎಂದರೆ ಗೆಲಾ ನಿದರ್ೇಶನದ ಮೊದಲ ಚಿತ್ರವಿದು. ನಾಯಕ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಜಾಜರ್ಿಯಾ ಬಬ್ಲೂನಿ ಇವರ ಸೋದರ.ಕೊಲ್ಲುವ ದೃಶ್ಯಗಳಿವೆಯಾದರೂ ರಕ್ತ ನಿಮ್ಮನ್ನು ಕಾಡುವುದಿಲ್ಲ ಎನ್ನುವುದು ಚಿತ್ರದ ಹೆಚ್ಚುಗಾರಿಕೆ. ಜತೆಗೆ ಅಂತ್ಯದಲ್ಲಿ ಪ್ರೇಕ್ಷಕನನ್ನು ಹೃದಯ ತಟ್ಟುವಂತೆ ಮಾಡುವ ದೃಶ್ಯವೂ ಇದೆ ಎನ್ನುವುದು ಈ ಚಿತ್ರದ ಮತ್ತೊಂದು ವೈಶಿಷ್ಟ್ಯ.ತಾಂತ್ರಿಕವಾಗಿ, ಕಥೆಯ ನಿರೂಪಣೆಯಲ್ಲಿ ಈ ಚಿತ್ರ ಥ್ರಿಲ್ಲರ್ಗಳಲ್ಲೇ ವಿಶೇಷವಾದದ್ದು ಎಂಬ ಪ್ರಶಂಸೆಗೆ ಪಾತ್ರವಾಗಿದೆ.